Subuh-subuh anu tiris... katingal Pun Biang tos riweuh masak di dapur.
"Mah masak naon? Tiasa dibantosan?"
"Ieu nuju ngagoreng lauk gurame jeung sambel tomat karesep Firman."Saurna teh.
"Alhamdulillah.... Pedo pasti... Eh, Mah... calon Bojo abdi mah sigana teh teu tiasaeun masak da..."
"Muhun, teras kunaon....?"
"Teu kunanaon sih Mah.... ngan ngawartosan wungkul meh Mamah teu kuciwa, hehehh."
"Naha nu kapikir teh yen padamelan masak, nyeuseuh, sasapu, beberes jeung lain-lainna teh ngan jadi kawajiban Istri kitu?"
Abdi ngan ngahuleng bari teu ngarti.
Tuluy Anjeunna neraskeun nyarita. "Dangukeun ku hidep, eta sadayana teh kawajiban Lalaki. Kawajiban mun engke geus rumah tangga." Ceuk Mamah bari nyintreuk kanu irung.
"Naha, pan unggal dinten ge Mamah nu ngalalakon kitu?"
Abdi can ngarti keneh.
"Kawajiban Bojo teh nyaeta taat jeung neangan rido carogena." Ceuk Mamah.
"Ku lantaran Bapa mah teu mungkin tiasa beberes di bumi, janten Mamah nu mantuan ngurus sadayana, Sanes kulantaran kawajiban, tapi salaku wujud cinta jeung wujud Bojo nu neangan rido Carogena."
"Beuki bingung wae, Mah"
"Kieu Kasep...Ieu teh minangka elmu keur hidep nu bade laki rabi."Anjeunna neuteup mani jero.
"Ceuk hidep, Nafkah teh naon? Sanes tos jadi kawajiban Lalaki nganafkahan Bojona? Naha eta sandang, pangan jeung papan?"
"Sumuhun atuh Mah..."
"Raksukan nu bersih teh nafkah. Nepi ka nyeuseuh teh kawajiban Caroge. Tuangeun teh nafkah. Jadi mun ngawujud beas keneh kudu dipasak, kawajiban Caroge keneh nu kudu masak teh. Teras dina nyiapkeun bumi masih kawajiban Caroge. Nu matak ngajaga kabersihanna ge kawajiban Caroge."
Mani reuwas ngadangu wejangan di Pun Biang teh.
"Euleuh... nepi kudu kitu nya Mah...? Tuluy mun eta sadayana kawajiban Lalaki. Naha atuh Mamah bet ngalakonan keneh sadaya padamelan eta jeung teu nungtut ka Bapa?"
"Ku sabab Mamah teh Bojona anu neang rido Carogena. Mamah milarian pahala pikeun salamet dunya aherat. Ku sabab Mamah Nyaah tur Cinta ka Bapa hidep, moal tega miwarang Bapa ngalakonan sadaya padamelanana. Mun Bapa hidep neang pembantu mah eta jadi hiji solusi. Ngan, mun teu acan aya, ieu teh janten ladang pahala kanggo Mamah."
Abdi ngarandeg dina simpe ngadanguna.
"Kungsi ngadangu caritana Fatimah nu nyungkeunpembantu ka Sepuhna, Kanjeng Nabi. Ku lantaran pananganna geuneuk nutuan tipung? Tapi Ku Kanjeng Nabi teu dipasihan. Atanapi kungsi ngadangu Umar bin Khatab diseuseulan ku bojona? Umar ukur cicing ku sabab apa yen bojona tos ngerjakeun rupa-rupa pancen nu saleresna sanes pancen anjeunna."
"Muhun Mah...."
Mimiti Ngarti ayeuna mah.
"Janten, salami ieu teh Lalaki salah sangka nya Mah? Kuduna tiap Lalaki nganuhunkeun ka Bojona, leuwih nyaah tur leuwih ngahargaan Bojona."
Pun Biang ngan ukur imut.
"Aya hiji deui patarosan teh Mah, Kunaon atuh Mamah bet kersa ngalakonan sadaya padamelan eta padahal pan sanes kawajiban Mamah?"
"Nikah teh sanes ngan ukur nungtut kanu hakna wungkul, Kasep. Bojo nungtut ka Carogena, atanapi sabalikna. Tapi seueur hal anu sejenna. Ulah ngajurung napsu. Ngajaga karukunan. Sauyunan. Silih ngelehan. Gawe babarengan. Silih pikanyaah. Nikah teh mangrupa pasanggiri pikeun ngalakukeun kahadean. Nu jadi Bojo mantuan Carogena. Nu jadi Caroge mantuan Bojona. Pan harepanna laki rabi teh udaganana Sawarga."
"Masya Allah...."
"Eeh, kumaha mun calon Bojo teh apaleun hal ieu? Engke mun jadi pangedulan kumaha Mah?"
"Istri nu ngarti kanu agama mah tangtos apal yen anjeunna kedah milarian rido Carogena. Kitu oge Carogena kedah apal yen Bojona teh tos seueur mantuan. Nepi ka ngan ukur Cinta nu aya dina sela-sela hate jeung pikiranna."
Subhanallah ....
Mugia nu parantos maca carita ieu dipaparin jodo anu soleh/solehah ku Gusti Alloh, dugi ka janten kulawarga nu sakinah, mawaddah, tur warrahmah, sarta kenging sawargaNa nu endah. Aamiin ....
Bagikan
PAMAJIKAN TEH BATUR HIRUP, LAIN PEMBANTU
4/
5
Oleh
mygurukufile.blogspot.com
